KULMINASYON NG BUWAN NG WIKA
Noong ika-31 ng Agosto,2018, sa ganap na ika-walo ng umaga, ang mga mag-aaral sa DWCU at ang kanilang mga guro ay nagtipon-tipon sa St. Michael Gymnasium para ipagdiwang ang Kulminasyon ng Buwan ng Wika. Ang tema ng selebrasyon ngayong taon ay “ Filipino: Wika ng Saliksik”. Ito ay nabigyang diin at nilinaw sa pamamagitan ng patimpalak sa Sabayang Pagbigkas na nilahukan ng mga estudyante sa ika-pito at ika-walong baitang. Ang mga mag-aaral naman sa ika-siyam at ika-sampu na baitang ang nagpaunlak sa patimpalak sa pag-awit ng Awiting Makabayan. Ang patimpalak sa katutubong-sayaw ay ibinahagi ng mga mag-aaral mula sa ikalabing-isa at ikalabing-dalawang baitang. Sa pamamagitan ng mga iba’t-ibang aktibidades at paligsahan na mga ito, lumalim at lumawak ang kaalaman ng mga mag aaral tungkol sa wikang pambansa at sa kulturang Pilipino.
Sa ganap na ala-una ng hapon, ang mga mag-aaral sa DWCU sa antas ng Elementarya at kanilang mga guro at mga magulang ay ipinagdiwang din ang Buwan ng Wika sa St. Michael Gymnasium. Ang mga mag-aaral mula sa Nursery 1, Nursery 2 at Kindergarten ay nagpakita ng gilas sa pagsayaw. Nagpakita rin ng talento sa pagsayaw hango sa Bibliya – “Biblical dance” – ang mga mag- aaral mula sa una hanggang sa ikatlong baitang. Ginampanan din ng mga mag aaral mula sa ika-apat na baitang hanggang ika-anim ang patimpalak sa Bigsayawit.
Ang mga iba’t-ibang Patimpalak ay isinagawa para ipaabot ang tunay na pasasalamat sa Panginoon na siyang nagbigay ng Pambansang Wika, at para pahalagahan, paunlarin at gamitin ng wasto ang wika at ang iba’t-ibang kultura ng Pilipinas sa pagkamit ng katotohanan, kapayapan at maunlad na buhay sa bansa.
Filed under: News | Leave a comment »